Sunshine Online Radio



Shugaban Najeriya Muhammadu Buhari ya yi tir da harin da aka kai a yankin Hong da ke jihar Adamawa, harin da ya yi sanadin mutuwar mutum 24.

Shugaban Najeriya Muhammadu Buhari ya yi tir da harin da aka kai a yankin Hong da ke jihar Adamawa, harin da ya yi sanadin mutuwar mutum 24.

Cikin wata sanarwa dauke da sa hannu kakakinsa Malam Garba ShehuShugaba Muhammadu Buhari ya ce wadanda suka aikata wannan aiki ba za su tafi salim-alim ba.

“Irin wannan rashin imani da rashin tausayi da ake nunawa akan bil adama, ba za a bar shi ya tafi ba tare da hukunci ba.” Buhari ya ce.

Ya kara da cewa, “ba zai yi wu mu yi kasa a gwiwa a idon ‘yan Najeriya ba wadanda suka damka mana amanar tsaronsu a hannunmu.”

A gefe guda, shi ma tsohon mataimakin shugaban Najeriya kuma dan takarar shugaban kasa na jam’iyyar PDP a zaben 2019, Atiku Abubakar ya yi tir da wannan hari.

Karin bayani akan: Atiku AbubakarAdamawaBoko HaramBoss MustaphaPDPShugaba Muhammadu BuhariNigeria, da Najeriya.

“Ina mutukar Allah-wadai da kisan mutanen da aka yi a wasu sassan jihar Adamawa. Rayuwar dan adam tana da mutukar daraja.” Atiku Abubakar ya ce cikin wata sanarwa da ya wallafa a Facebook.

“A matsayinmu na ‘yan Najeriya, muna da nauyi dake kanmu ta hanyar aiki tare da gwamnatoci a dukkan matakai domin tabbatar da ganin an kawo karshen wadannan hare-hare.

“Ina mika sakon ta’aziyya ga wadanda suka rasa ‘yan uwansu.”

Da sanyin safiyar Laraba wasu ‘yan bindiga da ake zargin mayakan Boko Haram ne, suka kai hari kan wani yankin Dabna da ba shi da nisa da garin Sakataren gwamnatin tarayya Boss Mustapha, suka yi ta harbin kan mai uwa da wabi tare da kona gidaje. Dabna gari ne da ya yi fice a harkar noma.

@voahausa

Gwamnonin arewa maso gabas sun dage kan ciyar da shiyar gaba

Gwamnan jihar Barno dake Najeriya Babagana Umara Zulum ya jagoranci taron bunkasa yankin arewa maso gabashin Najeriya
Gwamnan jihar Barno dake Najeriya Babagana Umara Zulum ya jagoranci taron bunkasa yankin arewa maso gabashin Najeriya

Gwamnonin shiyar arewa maso gabashin Najeriya, sun gudanar da taron da suka saba yi domin ciyar da shiyar gaba ta fanin tsaro da noma da kuma ci gaban al’ummominsu. Wannan shine karo na biyar da suke gudanar da irin wannan taro a cikin shekaru 2.

Manufar gudanar da wannan taron shi ne kawo karshen matsalar tsaron da ke zama karfen-kafa ga daukacin shiyar.

Gwamnonin arewa maso gabas sun dage kan ciyar da shiyar gaba

Gwamna Baba Gana Zullum na jahar Borno wanda kuma shi ne shugaban kungiyar ya bayyana cewa, za su tabbatar al’ummarsu a wannan shiyar ta gudanar da harkokinta na yau da kullum cikin tsanaki ba tare da tsoron farmakin ta’addanci ba.

Gwmnan ya kara da cewa “Za kuma mu tabbatar da cewa duk wadanda aka kama da ayyukan ta’addanci an gurfarna da su gaban shari’a kuma an hukunta su kamar yadda ya kamata.”

Bayan taron daya gudana a wannan mako a birnin Jalingo na jahar Taraba, gwamnan jihar Bauchi, Sanata Bala Muhammad ya shaida wa manema labarai cewa daya daga cikin matsayar da suka cimma ita ce, bukatar samar da sufurin jirgin sama yana mai cewa, Insha Allahu nan da  wata uku za a fara aiki dangane da wannan bangare.

Sai dai har yanzu masana tattalin arziki irinsu Usama Ahmed Dada na ganin cewa, har yanzu akwai sauran rina-a-kaba dangane da bunkasa tattalin arzikin yankin arewa maso gabashin Najeriya ganin yadda ‘yan ta’adda ke ci gaba da far wa mutane musamman manoma.

@rfihausa

Borno Na Shirin Ba Manoma Damar Komawa Gonakinsu

A ranar Lahadi Zulum ya yi rangadin yankin hanyar ta Mulai zuwa Dalwa don ganewa idonsa yadda za a tsara bude hanyar.

Gwamnatin jihar Borno da ke arewa maso gabashin Najeriya ta ayyana shirinta na sake bude filayen gonaki da ke kan hanyar Molai zuwa Dalwa a jihar.

Wata sanarwa da gwamnatin ta fitar ta ce, Gwamna Babagana Umara Zulum ya kai ziyara yankin na Mulai da Dalwa, ya kuma gana da jami’an tsaro kan yadda za a shirya bude gonakin don manoma su fara yin aiki.

“Wannan mataki da Zulum ya dauka, ya biyo bayan umarnin da aka ba jami’an tsaron Najeriya a ranar Alhamis na ‘Operation Hadin Kai’ kan su hada kai da gwamanatin Borno, kan yadda za a ba mutane damar komawa gonakinsu.”

A ranar Lahadi Zulum ya yi rangadin yankin hanyar ta Mulai zuwa Dalwa.

Yayin ziyarar kwana daya da ya kai a makon da ya gabata, Shugaba Muhammadu Buhari ya ba dakarun kasar umarnin su hada kai da hukumomin da manoman jihar kan yadda za a sama masu hanyoyin da za su koma bakin aiki hade masu ayyukan kamun kifi.

Shi dai gwamna Zulum, ya sha nanata cewa, idan aka hana al’umomin da aka sauyawa matsuguni hanyar kai wa ga gonakinsu, akwai yiwuwar a fuskanci matsalar karancin abinci a jihar.

Ya kuma nanata cewa, tallafin abinci da ake samu daga kungiyoyin kasashen ketare da masu ba da gudunmowa na cikin gida, ba zai isa ba.

Manoma a jihar Borno, wacce ta dade tana fama da matsalar hare-haren Bokor Haram, sun kauracewa gonakinsu ala tilas saboda rashin tsaro.

An shafe makwanni 2 ba tare Korona ta kashe kowa a Najeriya ba

Cibiyar dakile yaduwar cutuka ta Najeriya NCDC ta ce an shafe makwanni 2 curr ba tare da annobar Korona ta halakawa kowa ba a kasar.

An shafe makwanni 2 ba tare Korona ta kashe kowa a Najeriya ba

Cikin sanawar da ta wallafa a shafinta na yanar gizo cibiyar ta ce samun nasarar ya sanya har yanzu adadin wadanda cutar Koronar ta kashe a Najeriya tsayawa a mutane dubu 2 da 117.

Sai dai tayi gargadin cewa ana cigaba da samun masu kamuwa da cutar, inda a ranar Juma’ar da ta gabata aka gano karin mutane 13.

Sabbin alkaluman da cibiyar dakile yaduwar cutukan ta NCDC ta fitar sun nuna an yiwa mutane miliyan 2 da dubu 231 da 409 gwajin cutar Korona a Najeriya, yayin da mutane dubu 163 da 540 suka warke daga cikin dubu 167 da 155 da suka kamu da cutar.